POLITIKA E PRIVATËSISË

Kjo Politikë e Privatësisë përshkruan mënyrën se si LC Waikiki Retail Kosovo L.L.C. (në tekstin e mëtejmë “LCW”) mbledh, përdor dhe zbulon të dhënat tuaja personale kur vizitoni dhe përdorni shërbimet tona, bëni blerje nga https://www.lcwaikiki-ks.com ose komunikoni me mënyra të tjera me ne (së bashku, “Shërbimet”). Për qëllimet e kësaj Politike të Privatësisë, “ju” dhe “juaj” i referohen përdoruesit të Shërbimeve, qoftë si klient, vizitor i faqes së internetit apo individë të tjerë, të dhënat e të cilit i kemi mbledhur në përputhje me këtë Politikë të Privatësisë.

Ju lutemi ta lexoni me kujdes këtë Politikë të Privatësisë. Përmes qasjes dhe shfrytëzimit të Shërbimeve, ju pranoni dhe pajtoheni me mbledhjen, përdorimin dhe zbulimin e të dhënave tuaja, siç përshkruhet në këtë Politikë të Privatësisë. Nëse nuk pajtoheni me këtë Politikë të Privatësisë, ju lutemi mos iu qasni dhe mos i shfrytëzoni Shërbimet.

NDRYSHIMET NË POLITIKËN E PRIVATËSISË

Ne mund ta përditësojmë këtë Politikë të Privatësisë me kalimin e kohës, përfshirë për t’i reflektuar ndryshimet në praktikat tona operative ose për arsye të tjera ligjore apo rregullatore. Ne do ta publikojmë Politikën e përditësuar të Privatësisë në Platformë, do të përditësojmë datën e “Përditësimit të fundit” dhe do të ndërmarrim të gjithë hapat e tjerë të kërkuar me ligjin në fuqi.

MOSHA E PËRDORUESVE

Duke përdorur Shërbimet tona, ju deklaroni dhe garantoni se jeni të paktën 18 vjeç, ose se jeni prind apo përfaqësues ligjor i një të mituri dhe jepni pëlqimin tuaj për përdorimin e Shërbimeve nga ana e tij/saj.

Në përputhje me këtë Politikë të Privatësisë dhe Kushtet e Përdorimit, prindërit dhe/ose përfaqësuesit ligjorë janë përgjegjës për dhënien e të gjitha pëlqimeve të nevojshme në emër të të miturve që nuk kanë arritur moshën madhore (18 vjeç). Në asnjë rrethanë LCW nuk mund të mbahet përgjegjës për veprimet apo mosveprimet e një prindi dhe/ose përfaqësuesi ligjor në lidhje me një të mitur nën kujdesin e tyre. Fuqimisht i inkurajojmë prindërit dhe përfaqësuesit ligjorë që të mbikëqyrin nga afër përdorimin e Shërbimeve nga të miturit.

Shërbimet nuk janë të destinuara për përdorim nga fëmijët dhe, me vetëdije, ne nuk mbledhim asnjë informacion personal nga fëmijët. Nëse jeni prind ose kujdestar ligjor i një fëmije që na ka dhënë të dhënat e tij personale, mund të na kontaktoni duke përdorur të dhënat e kontaktit të vendosura më poshtë për të kërkuar fshirjen e këtyre të dhënave.

Nga data e hyrjes në fuqi të kësaj Politike të Privatsisë, ne nuk kemi njohuri faktike që “ndajmë” ose “shesim” (sipas përkufizimit të këtyre termave në ligjin në fuqi) të dhënat personale të individëve nën moshën gjashtëmbëdhjetë (16)) vjeç.

TË DHËNAT PERSONALE QË I MBLEDHIM

Të dhënat personale që i mbledhim varen nga konteksti i ndërveprimit tuaj me ne dhe me Shërbimet, zgjedhjet që bëni, si dhe produktet dhe funksionalitetet që përdorni.

Të dhënat personale që mund t’i mbledhim përfshijnë, mes tjerash: Emri dhe mbiemri; numrat e telefonit; adresat e postës elektronike; adresat e banimit; të dhëna kontakti ose verifikimi; adresat e faturimit; data e lindjes; fjalëkalimi; çdo informacion tjetër i nevojshëm për qëllimin dhe/ose bazën ligjore të përpunimit.

Lloje të tjera të të dhënave personale që mund të mbledhim përfshijnë, mes tjerash:

Kur blini produkte dhe/ose shërbime nga ne, mund t’ju kërkohet të jepni informacione si adresa e dorëzimit, adresa e faturimit, të dhënat e kartës dhe/ose llogarisë bankare, informacion për metodën e pagesës dhe të dhëna të tjera të nevojshme për të përfunduar porosinë dhe për të përpunuar pagesën.

Kur t’i keni përdorur Shërbimet tona, përfshirë gjatë shfletimit të faqes sonë të internetit, mund të jepni vullnetarisht të dhëna personale si mosha, gjinia, interesat, arsimimi, përvoja profesionale, preferencat dhe të dhëna të ngjashme.

Gjithashtu, LCW mund të mbledhë dhe përpunojë informacione shtesë të kërkuara ose të autorizuara me ligjet në fuqi për mbrojtjen e të dhënave, për qëllime identifikimi ose verifikimi të të dhënave që ju ofroni, veçanërisht kur këto veprime kërkohen ose urdhërohen nga një autoritet publik kompetent.

Në asnjë rrethanë nuk do t’ju kërkojmë dhe nuk do t’ju detyrojmë të zbuloni të dhëna personale të fëmijëve.

Informacionet e ndjeshme

LCW nuk përpunon të dhëna personale të ndjeshme, përveç nëse kjo është rreptësisht e nevojshme dhe kemi marrë paraprakisht pëlqimin tuaj me shkrim.

Informacion mbi pagesën

Ne nuk mbledhim, ruajmë apo përpunojmë të dhënat e plota të kartës suaj kur kryeni blerje. Në rastet kur përpunimi i pagesave kryhet nga ofrues të palëve të treta, ne mund të ndajmë me këto palë të dhënat e nevojshme që kanë të bëjnë me pagesën dhe të cilat ju i keni dhënë. Të gjitha të dhënat e pagesës ruhen dhe përpunohen nga ofruesi përkatës i palës së tretë. Në këto raste, zbatohen kushtet dhe politikat e privatësisë së palës përkatëse. Ju inkurajojmë t’i rishikoni politikat e tyre të privatësisë.

Të gjitha informacionet personale që i ofroni duhet të jenë të vërteta, të plota dhe të sakta, dhe duhet të na njoftoni për çdo ndryshim të këtyre të dhënave.

SI I PËRDORIM TË DHËNAT TUAJA PERSONALE

Ofrimi i produkteve dhe shërbimeve

LCW përdor të dhënat tuaja personale për t’ju ofruar Shërbimet dhe për të përmbushur kontratën me ju, duke përfshirë përpunimin e pagesave, përmbushjen e porosive, dërgimin e njoftimeve lidhur me llogarinë tuaj, blerjet, kthimet, ndërrimet apo transaksione të tjera, krijimin, mirëmbajtjen dhe menaxhimin e llogarisë suaj, organizimin e dorëzimit, lehtësimin e kthimeve dhe ndërrimeve, si dhe mundësimin e publikimit të vlerësimeve nga ana juaj.

Marketingu dhe reklamat

Ne përdorim të dhënat tuaja personale për qëllime marketingu dhe promovimi, si dërgimi i komunikimeve të marketingut, reklamave dhe promovimeve përmes emailit, porosive me tekst ose postës, si dhe për shfaqjen e reklamave për produkte ose shërbime.

Siguria dhe parandalimi i mashtrimit

LCW përdor të dhënat tuaja personale për të zbuluar, hetuar ose ndërmarrë veprime në lidhje me aktivitete të mundshme mashtruese, të paligjshme ose keqdashëse. Nëse vendosni t’i përdorni Shërbimet dhe të regjistroni llogari, ju jeni përgjegjës për ruajtjen e sigurisë së të dhënave të hyrjes në llogarinë tuaj. Ju rekomandojmë fuqimisht që me palë të treta të mos i ndani emrin e përdoruesit, fjalëkalimin apo të dhëna të tjera të qasjes. Nëse besoni se është komprometuar llogaria juaj, ju lutemi na kontaktoni menjëherë.

Komunikimi me ju

LCW përdor të dhënat tuaja personale për të ofruar mbështetje për klientët dhe për t’i përmirësuar Shërbimet tona. Ky përpunim kryhet mbi bazën e interesave tona legjitime, konkretisht për të qenë të përgjegjshëm ndaj jush, për të ofruar shërbime efektive dhe për të ruajtur marrëdhënien tonë të biznesit me ju.

INFORMACIONET QË MARRIM NGA PALË TË TRETA

LCW mund të marrë informacion për ju nga palë të treta, përfshirë furnitorë dhe ofrues shërbimesh që mbledhin të dhëna në emrin tonë, si:

-          Kompanitë që mbështesin dhe mirëmbajnë faqen tonë të internetit dhe shërbimet;

-          Përpunuesit tanë të pagesave, të cilët mbledhin informacionet e pagesës (si të dhënat e llogarisë bankare, kartës së kreditit apo debitit dhe adresën e faturimit) për të përpunuar pagesën tuaj, për t’i përmbushur porositë dhe për t’ju ofruar produktet apo shërbimet e kërkuara, në kuadër të përmbushjes së kontratës me ju;

-          Kur vizitoni faqen e internetit të LCW, hapni ose klikoni në emailat që ju dërgojmë, apo ndërveproni në mënyra të tjera me Shërbimet ose reklamat tona, LCW ose palët e treta me të cilat bashkëpunojmë mund të mbledhin automatikisht disa informacione përmes teknologjive të gjurmimit online.

Çdo informacion që marrim nga palë të treta do të përpunohet në përputhje me këtë Politikë të Privatësisë. Ne nuk mbajmë përgjegjësi për saktësinë e informacionit të ofruar nga palët e treta, as për politikat apo praktikat e tyre.

TË DHËNAT PERSONALE DHE MBROJTJA E TYRE

LCW siguron që të gjitha të dhënat personale të mbledhura nga vizitorët dhe përdoruesit përpunohen në përputhje me Ligjin nr. 06/L-082 për Mbrojtjen e të Dhënave Personale dhe legjislacionin dytësor në fuqi.

LCW nuk kërkon dhe nuk ruan kopje të dokumenteve të identifikimit, përveç rasteve kur ka dyshim të bazuar për identitetin e Përdoruesit ose vlefshmërinë e një porosie. Në raste të tilla, LCW mund të kërkojë dokument identifikimi vetëm për verifikim, i cili do të fshihet menjëherë pas përfundimit të procesit të verifikimit.

Nëse një palë e tretë, me apo pa qëllim, bie në kontakt me të dhëna personale të administruara nga LCW, ajo është e detyruar të veprojë në përputhje me ligjet në fuqi për mbrojtjen e të dhënave, t’i fshijë menjëherë këto të dhëna dhe ta njoftojë LCW.

Platforma mund të përmbajë lidhje që çojnë në faqe interneti të palëve të treta. Nëse përdoruesi zgjedh t’i ndjekë këto lidhje, LCW nuk mban përgjegjësi për menaxhimin apo përpunimin e të dhënave personale nga këto faqe të jashtme.

Përdoruesit kanë të drejtë të kërkojnë qasje, korrigjim, fshirje ose të kundërshtojnë përpunimin e të dhënave të tyre personale.

Kërkesat mund të paraqiten me shkrim në adresën elektronike të LCW.

KOMUNIKIMI NDËRMJET PALËVE

Të gjitha komunikimet që kanë të bëjnë me këtë Kontratë do të kryhen përmes adresës zyrtare të postës elektronike (email) të LCW-së

kosovo@lcwaikiki.info ose përmes mjeteve të komunikimit të disponueshme në Platformë.

Palët bien dakord që komunikimet elektronike, përfshirë emailat, njoftimet në Platformë dhe mesazhet automatike, përbëjnë komunikim zyrtar me vlefshmëri ligjore.

Përdoruesi është përgjegjës për të siguruar saktësinë dhe përditësimin e të dhënave të tij të kontaktit. LCW nuk mban përgjegjësi për njoftime të padërguara si rezultat i informacionit të pasaktë ose të vjetruar të dhënë nga Përdoruesi.

TË DREJTAT DHE ZGJEDHJET TUAJA

-          E drejta për qasje/informim – për të kërkuar informacion mbi të dhënat personale që i mbajmë për ju;

-          E drejta për fshirje – për të kërkuar fshirjen e të dhënave tuaja personale;

-          E drejta për korrigjim – për të kërkuar korrigjimin e të dhënave të pasakta;

-          E drejta për bartje të të dhënave – për të marrë një kopje të të dhënave tuaja personale ose për të kërkuar transferimin e tyre te një palë e tretë;

-          E drejta për të refuzuar shitjen/ndarjen/reklamimin e synuar – për të kërkuar që të mos “shiten” apo “ndahen” të dhënat tuaja personale ose të mos përpunohen për reklamim të targetuar;

-          E drejta për kufizimin e përdorimit ose zbulimit të të dhënave të ndjeshme personale;

-          E drejta për kufizimin e përpunimit;

-          E drejta për të tërhequr pëlqimin, kur është e zbatueshme;

-          E drejta për apelim nëse kërkesa juaj refuzohet;

-          Menaxhimi i preferencave të komunikimit, përfshirë çregjistrimin nga emailat promovues ose SMS.

Ushtrimi i këtyre të drejtave nuk rezulton në diskriminim. Ne mund të kërkojmë informacion shtesë për të verifikuar identitetin tuaj para se të përgjigjemi.

KONTROLLUESI I TË DHËNAVE DHE TRANSFERIMI I TË DHËNAVE PERSONALE

Për qëllimet e Ligjit nr. 06/L-082 për Mbrojtjen e të Dhënave Personale të Republikës së Kosovës, kontrollues i të dhënave personale të mbledhura përmes dhe në lidhje me këtë faqe të tregtisë elektronike (përfshirë regjistrimin e llogarisë, vendosjen e porosive, përpunimin e pagesave, dorëzimin, kthimet, shërbimin ndaj klientit dhe komunikimet përkatëse) është LC Waikiki Retail Kosovo, me adresë të regjistruar në Zonën Industriale, Autostrada Prishtinë–Fushë Kosovë, Republika e Kosovës, me numër unik identifikimi 810829830, email data.protection@lcwaikiki.com, si dhe të dhëna të tjera kontakti sipas seksionit të Informacionit të Kompanisë në këtë faqe.

Për të operuar me platformën e tregtisë elektronike dhe për të siguruar funksionalitetin teknik, besueshmërinë dhe sigurinë e saj, të gjitha shërbimet e infrastrukturës, përfshirë hostingun, ofrohen përmes shërbimeve cloud të Microsoft Azure.

Të dhënat personale hostohen dhe ruhen në serverë virtualë të vendosur në Qendrën e të Dhënave Microsoft Azure West Europe (Amsterdam), brenda Bashkimit Evropian. Nuk përdoren furnizues të tjerë të jashtëm për infrastrukturën apo hostingun e të dhënave personale.

Ky transferim kryhet ekskluzivisht për qëllime të ofrimit të shërbimeve të tregtisë elektronike, sigurimit të performancës së platformës, sigurisë së të dhënave dhe vazhdimësisë operacionale. Kontrolluesi i të Dhënave siguron që këto transferime kryhen në përputhje me legjislacionin në fuqi për mbrojtjen e të dhënave në Kosovë dhe që ekzistojnë masa të përshtatshme teknike dhe organizative mbrojtëse.

Kontrolluesi i të Dhënave zbaton masa të përshtatshme teknike dhe organizative për të mbrojtur të dhënat personale nga qasja e paautorizuar, ndryshimi, zbulimi, humbja apo shkatërrimi. Klientët ruajnë të gjitha të drejtat e parashikuara me legjislacionin në fuqi për mbrojtjen e të dhënave, përfshirë të drejtën për qasje në të dhënat e tyre personale, korrigjimin ose fshirjen e të dhënave të pasakta apo të përpunuara në mënyrë të paligjshme, kufizimin ose kundërshtimin e përpunimit kur është e zbatueshme, si dhe të drejtën për të paraqitur ankesë pranë autoritetit kompetent mbikëqyrës në Republikën e Kosovës.

Holanda, si shtet anëtar i Bashkimit Evropian, përfshihet në listën e vendeve që ofrojnë nivel të mjaftueshëm të mbrojtjes së të dhënave personale sipas Vendimit të Agjencisë për Informim dhe Privatësi të Republikës së Kosovës, Ref. Nr. 22/2025, datë 30.04.2025. Për rrjedhojë, transferimi dhe ruajtja e të dhënave personale në Holandë konsiderohet se kryhet në një juridiksion që siguron nivel adekuat të mbrojtjes së të dhënave në përputhje me legjislacionin në fuqi në Kosovë.

MENAXHIMI I COOKIES (gjurmëve) DHE ZGJEDHJET E PËRDORUESIT

Përdoruesit kanë të drejtë të vendosin nëse do të pranojnë apo refuzojnë cookie-t joesenciale. Në vizitën e parë, përdoruesve u shfaqet një rubrikë për cookie që u mundëson menaxhimin e preferencave.

Përdoruesit mund të tërheqin ose ndryshojnë pëlqimin e tyre në çdo kohë përmes cilësimeve të cookie-ve në faqe.

 Përveç kësaj, përdoruesit mund të konfigurojnë shfletuesin për të bllokuar ose fshirë cookie-t. Ju lutemi vini re se çaktivizimi i disa cookie-ve mund të ndikojë në funksionalitetin dhe performancën e faqes.

RUAJTJA E TË DHËNAVE

Cookie-t ruhen për periudha të ndryshme kohore, në varësi të qëllimit të tyre. Cookie-t e sesionit fshihen automatikisht kur mbyllet shfletuesi. Cookie-t e vazhdueshme mbeten në pajisjen e përdoruesit për një periudhë të përcaktuar ose derisa të fshihen manualisht.