POLITIKA E GJURMËVE (cookies)

1. Qëllimi dhe fushëveprimi

Kjo Politikë shpjegon se në çfarë mënyre LC Waikiki Retail Kosovo SHPK (në vijim “LCW”) përdor cookie-t dhe teknologji të ngjashme në faqen e saj të tregtisë elektronike për të siguruar funksionimin e duhur, përmirësuar përvojën e përdoruesit, analizuar performancën e faqes dhe mbështetur aktivitetet e marketingut. Kjo Politikë zbatohet për të gjithë përdoruesit që hyjnë ose bashkëveprojnë me faqen përmes çfarëdo pajisjeje.

Përdorimi i cookie-ve kryhet në përputhje me legjislacionin në fuqi për mbrojtjen e të dhënave personale dhe të drejtat e konsumatorit në Republikën e Kosovës, si dhe me standardet përkatëse evropiane për mbrojtjen e të dhënave.

2. Çfarë janë cookie-t

Cookie-t janë dosje të vogla teksti që ruhen në pajisjen e përdoruesit gjatë vizitës në një faqe interneti. Kur përdoruesi hyn në faqe, serveri mund të dërgojë cookie në shfletuesin e përdoruesit, të cilat ruhen në pajisje dhe nxirren gjatë vizitave ose bashkëveprimeve të mëvonshme. Cookie-t i mundësojnë faqes ta identifikojë pajisjen e përdoruesit, t’i mbajë mend preferencat dhe të sigurojë funksionim të sigurt dhe efikas të faqes.

Cookie-t zakonisht nuk përmbajnë informacion që identifikon drejtpërdrejt përdoruesin me emër. Megjithatë, në varësi të natyrës dhe qëllimit të tyre, cookie-t mund të mundësojnë identifikimin indirekt të përdoruesit dhe për rrjedhojë mund të konsiderohen si të dhëna personale.

3. Kategoritë e cookie-ve të përdorura

LCW përdor kategori të ndryshme të cookie-ve bazuar në funksionin dhe bazën ligjore të tyre.

4. Cookie të palës së parë dhe të palëve të treta

Cookie-t e palës së parë vendosen drejtpërdrejt nga faqja e LCW dhe përdoren kryesisht për qëllime funksionaliteti, sigurie dhe analize.

Cookie-t e palëve të treta vendosen nga ofrues të jashtëm shërbimesh, mjetet ose shërbimet e të cilëve janë të integruara në faqe, si platforma analitike, rrjete reklamimi, integrime të mediave sociale ose mjete për mbështetje të klientit. Këto palë të treta mund të përpunojnë të dhëna në përputhje me politikat e tyre të privatësisë dhe detyrimet ligjore në fuqi.

LCW siguron që ofruesit e palëve të treta janë të detyruar kontraktualisht t’i përpunojnë të dhënat personale në përputhje me ligjet në fuqi për mbrojtjen e të dhënave.

5. Baza ligjore për përpunimin

LCW përpunon të dhënat personale që rrjedhin nga cookie-t në përputhje me Ligjin nr. 06/L-082 për

Mbrojtjen e të Dhënave Personale dhe standardet e përgjithshme evropiane për mbrojtjen e të dhënave.

Në këtë drejtim, ne mund të mbështetemi në bazat vijuese ligjore për përpunimin e të dhënave tuaja personale:

Pëlqimi. Ne mund të përpunojmë informacionin tuaj nëse na keni dhënë leje (pra, pëlqimin tuaj) për t’i përdorur të dhënat tuaja personale për një qëllim të caktuar. Ju mund ta tërhiqni pëlqimin tuaj në çdo kohë. Mësoni më shumë rreth tërheqjes së pëlqimit më poshtë.

Përmbushja e kontratës. Ne mund t’i përpunojmë të dhënat tuaja personale kur kjo është e nevojshme për t’i përmbushur detyrimet tona kontraktuale ndaj jush, përfshirë ofrimin e Shërbimeve ose sipas kërkesës suaj para lidhjes së një kontrate.

Përmbushja e detyrimeve ligjore. Ne mund ta përpunojmë informacionin tuaj kur kjo është e nevojshme për t’i përmbushur detyrimet tona ligjore, si bashkëpunimi me autoritetet ligjzbatuese ose agjencitë rregullative, ushtrimi ose mbrojtja e të drejtave tona ligjore, ose zbulimi i informacionit si provë në një procedurë ligjore ku jemi të përfshirë.

Interesat legjitime. Ne mund ta përpunojmë informacionin tuaj kur kjo është e nevojshme për t’i realizuar interesat tona legjitime afariste, për aq kohë sa këto interesa nuk mbizotërojnë mbi të drejtat dhe liritë tuaja themelore. Për shembull, ne mund t’i përpunojmë të dhënat tuaja për:

-          dërgimin e informacionit mbi oferta speciale ose zbritje;

-          zhvillimin dhe shfaqjen e reklamave të personalizuara;

-          analizimin e përdorimit të Shërbimeve për përmirësim të tyre;

-          mbështetjen e aktiviteteve të marketingut;

-          diagnostikimin e problemeve dhe parandalimin e mashtrimeve;

-          të kuptuarit se si përdoruesit angazhohen me produktet dhe shërbimet tona për të përmirësuar përvojën e përdoruesit;

-          sigurimin e një mjedisi të sigurt gjatë përdorimit të faqes;

-          kuptimin më të mirë të klientëve tanë dhe preferencat e tyre për të ofruar shërbime të personalizuara;

-          ofrimin e shërbimeve të përmirësuara dhe të përditësuara për klientët tonë.

Mbrojtja e interesave jetike. Ne mund të përpunojmë informacionin tuaj nëse besojmë se është e nevojshme për t’i mbrojtur interesat tuaja jetike ose ato të një pale të tretë, siç janë situatat që përfshijnë kërcënime të mundshme për sigurinë e ndonjë personi.

Interesi publik. Ne mund të përpunojmë informacionin tuaj nëse ky përpunim është i nevojshëm për realizimin e një detyre në interes publik ose për ushtrimin e autoritetit zyrtar që na është dhënë.

Cookie-t përdoren mbi bazat vijuese ligjore, në varësi të kategorisë dhe qëllimit të tyre: Domosdoshmëria për përmbushjen e kontratës ose ofrimin e një shërbimi të kërkuar nga përdoruesi; Përmbushja e detyrimeve ligjore lidhur me sigurinë dhe parandalimin e mashtrimit;

Interesi legjitim për mirëmbajtjen dhe përmirësimin e funksionalitetit të faqes, kur është e zbatueshme; Pëlqimi i përdoruesit, veçanërisht për cookie-t analitike, marketingu dhe reklamimi.

Kur kërkohet pëlqimi, cookie-t nuk vendosen derisa përdoruesi të japë një indikacion të qartë dhe të shprehur të pranimit të tyre.

6. Të dhënat personale që i mbledhim

Të dhënat personale që i mbledhim varen nga konteksti i ndërveprimit tuaj me ne dhe me Shërbimet, zgjedhjet që bëni, si dhe produktet dhe funksionalitetet që përdorni. Të dhënat personale që mund t’i mbledhim përfshijnë, mes tjerash: Emri dhe mbiemri; numrat e telefonit; adresat e postës elektronike; adresat e banimit; të dhëna kontakti ose verifikimi; adresat e faturimit; data e lindjes; fjalëkalimi; çdo informacion tjetër i nevojshëm për qëllimin dhe/ose bazën ligjore të përpunimit.

Lloje të tjera të të dhënave personale që mund të mbledhim përfshijnë, mes tjerash:

Kur blini produkte dhe/ose shërbime nga ne, mund t’ju kërkohet të jepni informacione si adresa e dorëzimit, adresa e faturimit, të dhënat e kartës dhe/ose llogarisë bankare, informacion për metodën e pagesës dhe të dhëna të tjera të nevojshme për të përfunduar porosinë dhe për të përpunuar pagesën.

Kur t’i keni përdorur Shërbimet tona, përfshirë gjatë shfletimit të faqes sonë të internetit, mund të jepni vullnetarisht të dhëna personale si mosha, gjinia, interesat, arsimimi, përvoja profesionale, preferencat dhe të dhëna të ngjashme.

Gjithashtu, LCW mund të mbledhë dhe përpunojë informacione shtesë të kërkuara ose të autorizuara me ligjet në fuqi për mbrojtjen e të dhënave, për qëllime identifikimi ose verifikimi të të dhënave që ju ofroni, veçanërisht kur këto veprime kërkohen ose urdhërohen nga një autoritet publik kompetent.

Në asnjë rrethanë nuk do t’ju kërkojmë dhe nuk do t’ju detyrojmë të zbuloni të dhëna personale të fëmijëve. Informacionet e ndjeshme

Ne nuk përpunojmë të dhëna personale të ndjeshme, përveç nëse kjo është rreptësisht e nevojshme dhe kemi marrë paraprakisht pëlqimin tuaj me shkrim.

Informacion mbi pagesën

Ne nuk mbledhim, ruajmë apo përpunojmë të dhënat e plota të kartës suaj kur kryeni blerje. Në rastet kur përpunimi i pagesave kryhet nga ofrues të palëve të treta, ne mund të ndajmë me këto palë të dhënat e nevojshme që kanë të bëjnë me pagesën dhe të cilat ju i keni dhënë. Të gjitha të dhënat e pagesës ruhen dhe përpunohen nga ofruesi përkatës i palës së tretë. Në këto raste, zbatohen kushtet dhe politikat e privatësisë së palës përkatëse. Ju inkurajojmë t’i rishikoni politikat e tyre të privatësisë.

Të gjitha informacionet personale që i ofroni duhet të jenë të vërteta, të plota dhe të sakta, dhe duhet të na njoftoni për çdo ndryshim të këtyre të dhënave.

7. Menaxhimi i cookies (gjurmëve) dhe zgjedhjet e përdoruesit

Përdoruesit kanë të drejtë të vendosin nëse do të pranojnë apo refuzojnë cookie-t joesenciale. Në vizitën e parë, përdoruesve u shfaqet një rubrikë për cookie që u mundëson menaxhimin e preferencave.

Përdoruesit mund të tërheqin ose ndryshojnë pëlqimin e tyre në çdo kohë përmes cilësimeve të cookie-ve në faqe. Përveç kësaj, përdoruesit mund të konfigurojnë shfletuesin për të bllokuar ose fshirë cookie-t. Ju lutemi vini re se çaktivizimi i disa cookie-ve mund të ndikojë në funksionalitetin dhe performancën e faqes.

8. Kontrolluesi i të dhënave dhe transferimi i të dhënave personale

Për qëllimet e Ligjit nr. 06/L-082 për Mbrojtjen e të Dhënave Personale të Republikës së Kosovës, kontrollues i të dhënave personale të mbledhura përmes dhe në lidhje me këtë faqe të tregtisë elektronike (përfshirë regjistrimin e llogarisë, vendosjen e porosive, përpunimin e pagesave, dorëzimin, kthimet, shërbimin ndaj klientit dhe komunikimet përkatëse) është LC Waikiki Retail Kosovo, me adresë të regjistruar në Zonën Industriale, Autostrada Prishtinë–Fushë Kosovë, Republika e Kosovës, me numër unik identifikimi 810829830, email data.protection@lcwaikiki.com, si dhe të dhëna të tjera kontakti sipas seksionit të Informacionit të Kompanisë në këtë faqe.

Për të operuar me platformën e tregtisë elektronike dhe për të siguruar funksionalitetin teknik, besueshmërinë dhe sigurinë e saj, të gjitha shërbimet e infrastrukturës, përfshirë hostingun, ofrohen përmes shërbimeve cloud të Microsoft Azure. Të dhënat personale hostohen dhe ruhen në serverë virtualë të vendosur në Qendrën e të Dhënave Microsoft Azure West Europe (Amsterdam), brenda Bashkimit Evropian. Nuk përdoren furnizues të tjerë të jashtëm për infrastrukturën apo hostingun e të dhënave personale.

Ky transferim kryhet ekskluzivisht për qëllime të ofrimit të shërbimeve të tregtisë elektronike, sigurimit të performancës së platformës, sigurisë së të dhënave dhe vazhdimësisë operacionale. Kontrolluesi i të Dhënave siguron që këto transferime kryhen në përputhje me legjislacionin në fuqi për mbrojtjen e të dhënave në Kosovë dhe që ekzistojnë masa të përshtatshme teknike dhe organizative mbrojtëse.

Kontrolluesi i të Dhënave zbaton masa të përshtatshme teknike dhe organizative për të mbrojtur të dhënat personale nga qasja e paautorizuar, ndryshimi, zbulimi, humbja apo shkatërrimi. Klientët ruajnë të gjitha të drejtat e parashikuara me legjislacionin në fuqi për mbrojtjen e të dhënave, përfshirë të drejtën për qasje në të dhënat e tyre personale, korrigjimin ose fshirjen e të dhënave të pasakta apo të përpunuara në mënyrë të paligjshme, kufizimin ose kundërshtimin e përpunimit kur është e zbatueshme, si dhe të drejtën për të paraqitur ankesë pranë autoritetit kompetent mbikëqyrës në Republikën e Kosovës.

Holanda, si shtet anëtar i Bashkimit Evropian, përfshihet në listën e vendeve që ofrojnë nivel të mjaftueshëm të mbrojtjes së të dhënave personale sipas Vendimit të Agjencisë për Informim dhe Privatësi të Republikës së Kosovës, Ref. Nr. 22/2025, datë 30.04.2025. Për rrjedhojë, transferimi dhe ruajtja e të dhënave personale në Holandë konsiderohet se kryhet në një juridiksion që siguron nivel adekuat të mbrojtjes së të dhënave në përputhje me legjislacionin në fuqi në Kosovë.

9. Ruajtja e të dhënave

Cookie-t ruhen për periudha të ndryshme kohore, në varësi të qëllimit të tyre. Cookie-t e sesionit fshihen automatikisht kur mbyllet shfletuesi. Cookie-t e vazhdueshme mbeten në pajisjen e përdoruesit për një periudhë të përcaktuar ose derisa të fshihen manualisht.

LCW siguron që cookie-t nuk ruhen më gjatë se sa është e nevojshme për qëllimet për të cilat përdoren.

10. Mbrojtja dhe siguria e të dhënave

LCW aplikon masa adekuate teknike dhe organizative për t’i mbrojtur të dhënat e mbledhura përmes cookie-ve nga qasja, ndryshimi, humbja ose keqpërdorimi i paautorizuar. Cookie-t e sigurta transmetohen vetëm përmes lidhjeve të enkriptuara HTTPS, aty ku është e aplikueshme.

Të dhënat personale të mbledhura nëpërmjet “cookies” përpunohen në përputhje me parimet e ligjshmërisë, drejtësisë, transparencës, minimizimit të të dhënave dhe sigurisë.

11. Të drejtat e përdoruesit

Sipas Ligjit nr. 06/L-082 për Mbrojtjen e të Dhënave Personale, Përdoruesit kanë të drejta të caktuara. Këto të drejta mund të përfshijnë:

·         e drejta për të kërkuar qasje dhe për të marrë një kopje të të dhënave personale të Përdoruesit;

·         e drejta për të kërkuar korrigjim ose fshirje të të dhënave të Përdoruesit (e drejta për t’u harruar);

·         e drejta për të kërkuar kufizim të përpunimit të të dhënave personale të Përdoruesit;

·         kur është e aplikueshme, e drejta për transportueshmëri të të dhënave; dhe

·         e drejta për të mos iu nënshtruar vendimmarrjes së automatizuar.

Në rrethana të caktuara, Përdoruesit mund të kenë edhe: